அறிவுக் காட்சி
நீல வான வீதியைப் பார்
நிகழும் விந்தைக் கோலம் பார்
காலை நேரச் சூரியன்தான்
காட்டும் அழகு பார்தம்பி
சிவந்த சூரியக் கோளம்பார்
சூழும் மேகக் கூட்டம்பார்
கவரும் வண்ண உருவம்பார்
காணும் காட்சி அற்புதங்கள்.
கடலாய் வானம் விரிந்திருக்கும்
கப்பல் தீவுகள் வாகனங்கள்
படகுப் பல்வகைத் தொடரணிகள்
பாய்சுறா வாளை மீன்தெரியும்.
மாலை நேர வானைப்பார்
வண்ண நிலவின் ஒளியைப்பார்
கோலம் வானம் போடுவதைக்
காண நிலவில் பயணஞ்செய்.
0 comments:
Post a Comment